9 nyied 20 hauh banhaemh, Vangohcwngz·Daizheiq Namzningz·2015 Daihcibcaet Gaiq Namzningz Ciet Gozci Minzgoh Yisuz baenzroix hozdung daizheiq Lungzanh youq Lungzanh Yen dezcwngz vwnzva gvangjcangz hoengh yienj.

Banhaemh 8 diemj cung, singgyong gyukgyad heiqfaenh angqyangz, gofoux 《Haenx Dwg Diendangz Vuenyungz》hainduj youq daizheiq yienj. Gij gofoux biujyienj gaenlaeng, aen cezmuz fwen《Beixnuengx Beixnuengx》youz Vujmingz Yen Vwnzva Bouxcuengh Swnjcienz Baujhoh Cungsim biujyienj haenx hainduj hwnj daiz, goswz feihdauh Boux- cuengh naekna, yienh’ok aen yienh neix vunzlai gak cuz siengjgyaez saedceij vuenyungz. Gaenlaeng, go buenx foux《Fwenyoux Ranz- cuengh》、 foux 《Cingsaenz Feih- dauh Gyong’vax》、 go habciengq《Mbanjcauxmoq Beksingq Ranz- cuengh》、 《Fwengingqlaeuj Ranz- cuengh》daengj cezmuz ndei yawj hix hwnj daiz yienj, hawj vunzlai Lungzanh roxnyinh Vujmingz Vwnzva Bouxcuengh heiqsik naekna.

Ciuq cam rox, vih cauxmoq daizheiq neiyungz caeuq hingzsik, yienh’ok gak aen daizheiq daegsaek, bineix, gij daizheiq yienhgih youz daizheiq Namzningz laebnda haenx aeu cezmuz doxvuenh caeuq daizheiq gietdoiq guh biujyienj fuengsik, doenggvaq cezmuz doxvuenh yienj, gyagiengz gak dieg vwnzva doxgyau, hawj cezmuz engqgya ndei yawj, hawj gak aen daizheiq cezmuz engqgya mizyinx.

(Vangz Swjyen/黄子晏）