●9 nyied 26 hauh, Dasinh Yen cujciz 20 lai boux bouxgagnyienh bae fuzliyen guh bet nyied cibngux yawj- ngonz bouxlaux gyonzmaiq hozdung, soengq doxgaiq caeuq hohfuk bet nyied cibngux hawj gyoengq bouxlaux、 vih bouxlaux dijgenj mbouj aeu cienz, vanzlij caeuq bouxlaux ciengqgo, angq- hoh aen ciet neix.

(Cinz Civanj)

●Mboengqneix, Ginhsiu Yauzcuz Swciyen Vwnzva’gvanj gawjbanh daj- siuq Yauzcuz beizyinbanh, iucingj swcigihgaep feihvuzciz vwnzva yizcanj dinfwngz dajsiuq Yauzcuz daiqbiuj bouxswnjcienz Cau Fungyangh daeuj vih 50 lai boux beixnuengx Yauzcuz hwnjdangz.

(Cinz Haijyen  Bangz Yaujvaz Lanz Cunh）

●9 nyied 22 hauh(liggaeuq ndwenbet cocib), Lungzlinz Gak Cuz Swciyen beixnuengx Gwzlaujcuz angq- hoh ciet cimzmoq moix bi gvaq baez haenx, beixnuengx Gwzlaujcuz daenj buhmoq vaqmoq ngoenzciet, doxcomz youq yienhsingz minzcuz vwnzva gvangjcangz, youh ciengq youh diuq, haiguh gak cungj ndawbiengz doxdax hozdung, angqhoh aen ciet minzcuz conzdungj neix.

(Linz Binh)

●9 nyied 22 hauh, youz Gungh- cwngz Yenveij Dungjcanbu cawjbanh gaiq daih’it dungjyiz cansen minzcuz conzdungj dijyuz doxdax yindungvei youq aen yienh neix vwnzvuj gvangj- cangz gawjbanh. Ciuq cam rox, baez yindungvei neix baugvat miz sam vunz haizgieg doxdax、 bengcag、 dwkdomq daengj gig miz daegsaek minzcuz dijyuz doxdax hanghmoeg, yinx ndaej haujlai rog gih ndaw gih hekyouz caeuq boux haengjgyaez ingjsiengq daeuj daejniemh yawjngonz.

(Liengz Veih Cuz Canghyi）