Gwnz gai, sing bauq yiengj- bungbung, sing hemq、sing riu doxcab youq itheij, gig nauhyied, ngoenzneix dwg ngoenzciet bet nyied cibngux.

Gou ndwn youq gwnz gai, yawjraen gyoengq lwgnyez doih cungj gaem fwngz daxboh doq gangj doq riu bae cawx gijgwn, ndawsim gou liengzsisi, raemxda dingj mbouj ndaej lae roengzdaeuj lo. Vihliux ndaw ranz gwndaenj, vihliux soengq gou doegsaw, daxboh cijndaej liz ranz okbae dajgoeng, moix bi daengz ngoenzneix, gou couh daegbied siengj daxboh.

Mbwn laep roengzdaeuj, gyoengq lwgnyez doih gaenq angqvauvau dawz bingj dawz mak daeujdaengz ndaw diegrum, caj ronghndwen okdaeuj……

Ronghndwen okdaeuj lo, gig luenz, gig rongh. Gou ngiengx gyaeuj yawj ronghndwen, rongh- ndwen mboujdanh swhgeij ok- daeuj, lij daiq gyoengq lwgnyez de——ndaundeiq. Gou yawj seiq- henz, gij lwgnyez wnq cungj caeuq daxboh daxmeh youq itheij gangj- gangj riuriu. Seizneix, gou geijlai siengj daxboh youq henz ndang gou ha. Gou miz haujlai vah siengj doiq daxboh gangj, hoeng daxboh dingq mbouj nyi. Daxboh mbouj youq henz ndang gou, de youq giz wnq, gig gyae. Gou rox daxboh hix lumj gou siengj de haenx siengj gou. Daxboh caeuq gou gangj gvaq: “Niq, gou mbouj youq henz ndang mwng, mwngz aeu gaenx hagsib, gou maqmuengh yawjraen aennaj mwngz ciengz- ciengz cungj dwg riu! Lajmbwn mbouj miz saeh nanz, cijaeu mizsim bae guh couh guh ndaej baenz! Niq, haenqrengz bw!” Gij vah daxboh cungj geiq youq ndawsim gou.

Daxboh, mwngz aeu haeujsim ndangdaej, gaej guh hong baeg lai. Daxboh, gou siengj mwngz!

（指导老师：覃庆赔）