9 nyied 20 hauh, Sanhgyangh Dungcuz Swciyen Liengzgouj Yangh Canjgouj Gingjgih gawjbanh gorungz cien bi angqhoh fungsou hozdung, vunzlai dangdieg yungh golaux Dungcuz、 baiqcaeq gorungz、 guh ceiz、 ngaizbakranz daengj lai cungj minzsuz hozdung angqhoh fungsou, yinx ndaej ca mbouj geijlai cien boux hekyouz daeuj daejniemh yawjngonz youzcet.

Gaenh geij bi neix daeuj, Sanhgyangh haenqrengz laebguh Guengjsae yienh okmingz daegsaek lijyouz caeuq daengx guek yienh byauhcunj sifan lijyouz, bineix 1 daengz 8 nyied, daengx yienh gungh ciepdaih hekyouz 309.6 fanh vunzbaez, lijyouz cungjsouhaeuj 19.6 ik maenz.

(Gungh Bujgangh/龚普康）