9 nyied 17 hauh banhaemh, Majsanh Yen 48 boux bouxguhnaz hwnj gwnz daizheiq bi 2015 Namzningz ciet gozci minzgoh yisuz, youq haiciengz cezmuz biujyienj 《Foux Dajndaem Cungguek》 haedsim yenzsu— Bouxcuengh Majsanh dwklongj, vih bouxyawj yienh’ok Cungguek seizneix vwnzva dajndaem ceiq gvangqlangh he.

Ciuq cam rox, 《Foux Dajndaem Cungguek》 dwg Majsanh Yen haenqrengz dajcauh deihfueng daegsaek vwnva lijyouz yienj ok hanghmoeg, haedsim neiyungz de dwg Majsanh Bouxcuengh dwklongj. 《Foux Dajndaem Cungguek》 aeu faexhanz guh haedsim yenzsu fuzhau, yungh “diuz faexhanz rap lajmbwn” guh cauh’eiq siengjfap, cungfaen yienh’ok Majsanh minzsuz funghcingz daegsaek, gig ndei yienh’ok Mbanjcuengh vwnzva dajndaem daegsaek.

(Cai Beigyangh/蔡佩江 Veiz Sauginz/韦绍群)