Ginggvaq baihgwnz baihlaj daengx gih caez roengzrengz, bi 1969, Liujcouh Si caeuq daengx gih gak dieg gunghyez swnghcanj cungj ndaej dauqguh caeuq hwnjguh, niujcienj le song bi gonq gunghyez doekroengz dingz gizmienh neix. Bide, daengx gih gunghyez canjciz beij bi 1968 dem- maj 91.39%, baez daih’it mauhgvaq nungzyez canjciz. Gvaqlaeng aenvih gizsi Guengjsae lai onjdingh, ceng ndaej guekgya engqlai roengzngaenz, daj bi 1970 daengz bi 975, binaengz gij soqdemhwnj gunghyez cungj dwg song vih soq doxhwnj.

Guengjsae hwnjguh gunghyez, Veiz Gozcingh miz aen gihbwnj cijdauj swhsiengj ndeu, couhdwg aeu hwnjguh gij gunghyez deihfueng Guengjsae hab yungh haenx, saedsaed caihcaih doiq Guengjsae miz yungh.

Bi 1969 hainduj, de couh daezok yaek aeu caenh’itbouh senj gij gunghyez daengx gih bae daengz gwnz gveijdau aeu nungzyez guh goekgaen haenx bae, gaem ndei hong gensez swnghcanj gangdiet、meizdanq、nungzgih、vafeiz daengj.

Hopheux seiq hangh hong swnghcanj gensez gunghyez bang- nungz neix, daengx gih lienzdaemh geij bi guh le seiq baez veican haemq hung, aeundaej yaugoj haemq ndei.

Youq dingz dijci giva faenboiq neix lajde, gij gangdiet guekgya baen hawj Guengjsae haenx, saedcaih muenxcuk mbouj ndaej Guengjsae raeuz, lij ca gig daih, gijneix doiq Guengjsae ginghci gensez, yingjyangj gig daih. Veiz Gozcingh cawjcieng aeu yungh haemq dinj seizgan gauj gij hong gangdiet hwnjbae, yienghneix daiqdoengh daengx aen gunghyez fazcanj baenaj, gyavaiq gij yamqdin nungzyez gihgaiva.

Vihliux muenxcuk gij gunghyez nungzyez Guengjsae yungh gangdiet, gyahung Liujgangh mbouj ndaej caiq caj nanz lo. Mbangj vunz naeuz: Dou gauj Liujgangh gaenq boiz haujlai ngaenz lo, caiq gyahung couh yaek aeu lai boiz ngaenz dem. Veiz Gozcingh nyinhnaeuz, dienzbingz boujcaez aen Liujgangh gaenq gihbwnj guh baenz haenx, boiqdauq caezcienz, hwnj canjliengh, hwnj gveihgwz binjcungj, seizneix boiz gvaqlaeng couh mbouj boiz lo. De naeuz: Gyahung Liuj- gangh dwg aen hanghmoeg youqgaenj nangq daengz daengxbuenz ndeu, itdingh aeu roengz gietsim hung, dunghyenz daengx gih gak cuz vunzlai, doengzcaez roengzrengz, bangrengz Liujgangh. De vanzlij doiq gij goengdaeuz gak yienh si naeuz: Bangrengz Liujgangh caemh dwg bangrengz sou bonjfaenh. Gyoengq boux goengdaeuz swcigih cungj doengzeiq gyahung Liujgangh.

(caengz sat)