9 nyied 14 hauh, Duh’anh Yauzcuz Swciyen youq Suhcin Nanzgyangh Cunh gawjbanh boux- guhnaz hag Sawcuengh hag gohgi beizyinbanh. Baez beizyin neix dwg 15 ngoenz, gungh miz 30 dangz goq. Miz 40 lai boux yozyenz camgya beizyin. Beizyinbanh yungh ban- haemh seizhoengq son bouxguhnaz dangz goq giekdaej Sawcuengh caeuq nungzyez gohgi cihsiz.

Youq seiz beizyin, lauxsae fat bonj saw Cuengh Gun song cungj saw doiqciuq hawj gyoengq yozyenz, gij swhliu senhconz miz saw youh miz doz, hawj yozyenz youq mwh hagsib roxnyinh Sawcuengh mingh hoengh mizyinx. Doengzseiz cuengqok Vahcuengh nungzyez gohgi senhconz gyauyuzben, doenggvaq cuengqok denyingj bangcoengh yozyenz hagsib saw minzcuz caeuq gisuz nungzyez mizyungh, vih vunzlai baenzfouq gvaq hwnj siujgangh swnghhoz dwkroengz giekdaej gaenjmaenh.

Gaenh geij bi neix daeuj, Duh- anh gig yawjnaek minzcuz vwnzva hwngfat, haenqrengz coicaenh gak minzcuz vwnzva hoenghvuengh hwngfat. Aen yienh neix yaek laebdaeb roengzrengz, doenggvaq lai cungj hingzsik guh ndei minzcuz vwnzva gensez, mboujduenh daezsang vwnzva suciz bouxguhnaz, vih saedyienh vunzlai baenzfouq daengx yienh akgiengz roengzrengz bae guh.

(Couh Yinh/周 欣）