●9 nyied 18 hauh banhaemh, “cingz lienz loh couzsei·gwnzbiengz go mbinrwenz·2015” daihcibcaet gaiq Namzningz ciet gozci minzgoh vanjvei daihngeih ciengz youq Namzningz Yinzminz Veidangz yienj, yinx ndaej haujlai siminz daeuj yawjngonz, cawz miz go minzcuz yenzswnghdai, yienh- ciengz daizheiq go foux biujyienj engqgya ndei yawj, hawj bouxyawj bekfwngz haenh ndei.

(Lij Veidingz)

●9 nyied 16 hauh, Bingzgoj Yen gawjbanh cawjdaez dwg “siengj- muengh Cungguek·siengjmuengh gou” vwnzyi senhgyangj yienjok, yungh gij hingzsik vunzlai maij dingq gyaez yawj haenx senhconz hagsib Siz cungjsuhgi doenghgij cingsaenz gangjvah youq- gaenj. Daengx ciengz yienj ok doeng- gvaq eu fwen、 vaiqbanj、 sam coenz buenq daengj hingzsik senhconz Siz cungjsuhgi seiq aen fuengmienh daengj youqgaenj lwnhgangj, hawj bouxyawj rox lai youh sim’angq.

(Vangz Gyahsih)

●9 nyied 18 hauh, Laizbinh Si bi 2015 “fapceih gungh’anh·mwngz gou caez byaij” senhcin denjhingz cunz ok baugauvei youq Ginhsiu Yauzcuz Swciyen haiguh, aen yienh neix daengxcungq minzgingj caeuq yienh minzcuz gauhcungh daengxcungq lauxsae hagseng 800 boux dingq le baez baugau neix.

(Cau Binhningz Couh Veih)

●9 nyied 18 hauh, Lungzlinz Gak Cuz Swciyen youq minzcuz minzsuz vwnzva cungsim gawjbanh bi 2015 gihcwngz ganbu mehmbwk saujsu minzcuz beizyinbanh, daengx yienh gak yangh(cin)、 mbanj(segih) daengj gungh 189 boux gihcwngz ganbu mehmbwk saujsu minzcuz camgya beizyin hagsib.

(Dauz Dwzgvangh)

●Gaenh geij bi neix daeuj, Lungzswng Gak Cuz Swciyen haenq- rengz heuh comz vunzlai ndaem lauxbaeg, cungj lauxbaeg neix ndaem gaxgonq vunz dingh’aeu, gai bae dieg- gyae, moix bi dajndaem 1500 moux. Bineix ndaem ndaej lauxbaeg 450 fanh goenggaen, canjciz 500 lai fanh maenz, neix baenz cungj hongsaeh moq hawj vunzlai dangdieg demsou baenzfouq ndeu.

(Banh Cisiengz)