Miz ndaek lwg vunzfouq ndeu daegbied maij gwn gyaujswj, ngoenzngoenz cungj aeu gwn. Danhseih de daegbied gvai gwn, cijdan gwn gij hamh baihndaw, naengsoem gyaujswj cix gveng roengz ndaw mieng baihlaeng ranz de bae.

Mbouj geijlai nanz, de ndaej 16 bi bihaenx, aen ranz de deng feiz coemh bae lo, bohmeh de gikheiq dwk doxriengz dai bae. Gwnzndang de mbouj miz saek faen ngaenz, youh mbouj ndei eiqseiq bae rumh gwn. Beixnangz ranznden hix simndei, moix donq soengq hawj de vanj mienh he. Doeklaeng de yunghsim doegsaw, gvaq sam bi le de gauj ndaej aen deihvih dangguen ndeu dahraix lo, de siengj dauqma le itdingh aeu ndeindei bauqdap beixnangz ranznden.

Beixnangz doiq de naeuz, mwngz gaej docih gou, gou mbouj miz maz soengq hawj mwngz, neix dwg gou dangnienz rom gij naengsoem gyaujswj mwngz gveng haenx, dak sauj le cang baenz geij daehndaij, bonjlaiz dwg louz guh bwh yungh, danhseih mwngz seizneix cingqngamj sihyau, couh sien boiz dauq hawj mwngz lo.

Goeng hak naemj le gig nanz, gig nanz......