9 nyied 13 hauh, Daengx Guek Cwnghez Gaujcazdonz bae Sanh- gyangh Dungcuz Swciyen diuyenz, gonqlaeng bae Liengzgouj Yangh、 Mbanjlij caeuq yienh cunghyihyen gaujcaz, vanzlij hai aen hoih ciendaez diuyenz “yw conzdungj saujsu minzcuz swnjcienz caeuq hwngfat”, dingq le gij veibau gvendaengz hong Liujcouh Si caeuq Sanhgyangh Dungcuz Swciyen yw conzdungj saujsu minzcuz, lij caeuq Dungyih yozvei daengj bumwnz doxgyau doxlwnh gij cingzgvang hojnanz yw Dungcuz Sanhgyangh swnjcienz caeuq hwngfat.

Gaenh geij bi neix daeuj, Sanhgyangh Yienhveij、 Yienh- cwngzfuj yawjnaek yw Dungcuz swnjcienz caeuq hwngfat, haenqrengz gyalai yw Dungcuz hanghmoeg gensez, yw Dungcuz hwngfat cingz- yauq gig ndei. Gaengawq ndaw yienh cingzgvang bae guh, Sanhgyangh yaek cujciz sijok 《Sanhgyangh Dungcuz Hwngfat Cunghyihyoz Dungyihyoz diuzlaeh》, ceiqdingh hwngfat yw Dungcuz saehnieb gveihva, vanzlij faen yamq bae guh; fatok yw Dungcuz swyenz gyoebhab fugsaeh suijbingz, gaengawq yw Sanhgyangh Dungcuz cingzgvang seizneix hwngfat, cungdenj gyagiengz doiq gisuz daegsaek yw Dungcuz swnjcienz baujhoh.

(Gungh Bujgangh/龚普康)