●9 nyied 10 hauh dwg ciet lauxsae, Lozcwngz Mulaujcuz Swciyen baujyuzyen faenhyen gyoengq lauxsae cujciz haiguh “song vunz sam ga” doxdax daengj lai cungj lai yiengh dijyuz hozdung, demgiengz donzdui rengzgietcomz, yienh’ok Mulauj mbanjbya lauxsae lwgnyez cingsaenz yienghsiengq gaenxgoemx doxhwnj de.

(Mungz Cwnghswh)

●Vih coicaenh cauh’ok vwnzyi Bouxcuengh bonjdieg, yienh- ok daegsaek minzsuz, muenxcuk hekyouz iugouz, Cingsih Yen aeu minzsuz Bouxcuengh yinxhaeuj gingjgih, biujyienj daegsaek minzsuz Bouxcuengh, caebcomz yienh’ok feihvuzciz vwnzva yizcanj. Bineix it nyied daengz seizneix, moix daengz ngoenzsinggeiz youq Giucouh gingj- gih cungj yienjok minzsuz Boux- cuengh.

(Vangz Yizdauh）

●9 nyied 11 hauh, Dasinh Yen Dauzcwngz Daih’it Cunghyoz gawj- banh seizcou haggeiz hagseng moq ginhyin veicauh doxdax, gyoengq hagseng yienh’ok ginhyin cwngzgoj, ciepsouh lingjdauj caeuq lauxsae genjyez, doengzseiz demgiengz gyoengqde doxbang doxgiet caeuq haenqrengz ciengjgonq cingsaenz.

(Cinz Civanj)

●9 nyied 10 hauh, Yungzsuij Myauzcuz Swciyen gawjbanh angq- soengq bing moq yizsi, 116 boux bouxcoz Mbanjmyauz gvanghyungz dangbing. Daj hainduj guh hong cwngbing daeuj, aen yienh neix miz haujlai bouxcoz nienzgeij hab dangbing doxcanj bauqmingz, doek- laeng ginggvaq dijgenj、 hoih dinghbing minzcuj biujgiet daengj cwngzsi, dinghcinj baecinj 116 boux ndaej dangbing.

(Gungh Siengzyouj)

●Bineix, Liujcwngz Yen gyarengz gaijguh denvangj lajmbanj, gungh guh hanghmoeg 128 hangh, gungh roengzngaenz 15345 fanh maenz, soqlaiz dwg baez neix roengzcienz ceiq lai. Dangqnaj, Liujcwngz Gungden Gunghswh gaenq ciuq yanghcin faengek hanghmoeg, caemhcaiq ciuq dajsuenq bae guh.

(Dwng Gwzyi)