Mehdaiqndang gwnndoet aeu lai cungj lai yiengh, mbouj ndaej bien gwn, byaekheu、bya、gyaeq、lwgmak、noh daengj yienghyiengh cungj aeu gwn, hawj aenndang miz naengzliengh caeuq gak cungj veizswnghsu cukgaeuq. Cunghyih nyinhnaeuz, mehdaiqndang daiq- ndang le gwnndoet wng geih manh、ien caeuq laeuj, byaekgep、hing、hozceu daengj gijgwn hamz ndat neix, yungzheih sieng lwg- ndawdungx, doengzseiz rox yinxhwnj lonlwg. Mbouj hab gwn gijgwn vued lwed, lumj maksanhcah、raet- moegngaex ndaem daengj. Yienh- daih yenzgiu nyinhnaeuz, gijgwn baihlaj hix mbouj hab gwn:

1、Moeggva. Ndaw moeggva hamz miz danbwzmeiz moeggva, ndaej caeuq yindungz doxcaeuq cozyung daeuj laengzdangj daiq- ndang caeuq cauhbaenz lonlwg.

2、Makdauz. Makdauz feih diemz loq ndat loq manh soemj, miz di doeg ndeu. Makdauz rox vaih lwed, mehdaiqndang gwn le rox yinxhwnj lonlwg.

3、Gahfeih. Mehdaiqndang ngamq daiqndang seiz gwn gahfeih daiq lai rox cauhbaenz lonlwg. Miz diucaz yienjseiq naeuz, mehdaiq- ndang moix ngoenz gwn song boi gahfeih couh gojnwngz rox yinxhwnj lonlwg, danghnaeuz moix ngoenz gwn seiq boi gahfeih, lonlwg yungyiemj couh lai demgya boix ndeu.