Vangz Cwzyenh gig diuqbeiz, gaujsi cingzcik soqlaiz mbouj ndei, hoeng ceiqgaenh baez geizgyang gaujsi ndeu, de sawj gyoengq doengzhag bouxboux cungj doek- saet lo.

Ngoenz haenx hwnj dangz suyoz, lauxsae dawz dab sigenj he hainduj senhbu faensoq. Dang dingq daengz “Vangz Cwzyenh 100 faen” seiz, daihgya cungj cauz hwnjdaeuj, cungj mbouj gamj saenq aenrwz swhgeij dingq daengz haenx. Cij raen Vangz Cwzyenh ciep gvaq sigenj, angq dwg diuq hwnjdaeuj, gaem mbaw sigenj cup le youh cup.

Doeklaeng gou cij rox, Vangz Cwzyenh mboengqneix gig roengz- rengz hagsib, mboujdanh hwnj- dangz nyinhcaen dingq lauxsae gangj, vanzlij ma ranz cawz le guh sat gij cozyez lauxsae buci haenx, lij gag hawj swhgeij gya guh laujlai daez lienhguh. Gvaiq mbouj ndaej baezneix de gauj ndaej muenxfaen lo.

Yawjdaeuj, cijaeu roengz- rengz, couh itdingh ndaej soundaej. Gou hix aeu yiengq de hagsib, ceng aeu engq ndei cingzcik, hawj gyoengq doengzhag doeksaet、hozhaenz gou.

(seiq nienzgaep Luz Cwnggaij)