Miz boux biujyienj daihsae ndeu hwnj gwnzdaiz bae gaxgonq, lwgsae de naeuz saihaiz de soeng lo. Boux daihsae neix ngaekgyaeuj docih de, doq maeuq roengzdaeuj saeqsim cug ndei. Daengz lwgsae de cienq ndang bae le, de youh maeuq roengzdaeuj gej saihaiz.

Henzndang de miz boux vunz he yawjraen le, couh ngeizvaeg dwk cam daihsae:“Daihsae, mwngz vihmaz youh gej saihaiz ne？” Daihsae dap naeuz：“Aenvih gou dwg yienj bouxvunz lijyouz gig baeg ndeu, bin bya gvaq dah saihaiz soeng lo, yaek aeu doenggvaq aen hothoh iq biujyienh ok de gig baeg daeuj. ”

“Mwngz vihmaz mbouj cigciep lwnh hawj lwgsae mwngz nyi?”

“De naengz saeqsim yawjraen saihaiz gou soeng lo, caiqlij ndatsim dwk lwnh hawj gou, gou itdingh yaek baujhoh aensim ndatcingz de, gibseiz gujli de, gangj daengz vihmaz gej saihaiz okdaeuj, daengzcog lij miz haujlaij gihvei son de biujyienj, caj baezlaeng caiq lwnh ba.”