Vihliux guh ndei nungzminz suencauxnieb minzcuz gyauyuz saehnieb, Duh’anh Yen ok cienz 5000 fanh maenz, ciuq Swcigih byauhcunjva youq suencauxnieb hwnjguh aen minzcuz saedniemh siujyoz youz yienh gyauyuzgiz guenjleix he. Aen hagdangz neix bi 2013 hainduj roengzgiek hwnjguh, bineix 8 nyied guh sat. Hagdangz ciemq dieg menciz 46 moux, youq ndaej 2160 boux lauxsae hagseng, laeb miz 48 aen ban. Ndaw hagdangz gingjsaek gyaeundei、 gyausiz gvangqlangh hausagsag, aen siujyoz neix dwg aen yienh neix gingjaek ceiq gyaeu、 sezsih ceiq lai he.

8 nyied 30 hauh, suencauxnieb minzcuz saedniemh siujyoz hainduj sawjyungh, ngoenzde miz 1200 lai boux hagseng daeuj aen hagdangz neix doegsaw. Aen hagdangz neix hainduj sawjyungh, saedyienh le gij simmuengh ranzsenjyouq hawj lwg youq henz ranz doegsaw.

(Lanz Fuzgvanh/蓝福宽)