8 nyied 26 daengz 27 hauh, Swcigih Minzyijveij fucujyin Yangz Gijbyauh daiq ndaw veij aen diuyenzcuj ndeu, bae Swhyenz Yen doiq gij cingzgvang gvendaengz vah minzcuz gvangjbo yingjsi fanhoiz cuengqok、 ndawbiengz sawjyungh Cuengh Gun song cungj saw daengj hong vah saw minzcuz guh diuyenz.

Diuyenzcuj gonqlaeng yawj le gij baiz、 yaenq dangjcwng gihgvan、 swyez danhvei Liengjsuij Myauzcuz Yangh Sesuij Myauzcai caeuq Hozgouj Yauzcuz Yangh, ndaw yienhsingz diuzgai cujyau loh- byauh、 lohbaiz, gicehcan daengj gunghgung ciengzdieg mingzcwngh cauhbaiz、 byauhbaiz yungh mbouj yungh Cuengh Gun song cungj saw、 yungh ndaej deng mbouj deng daengj cingzgvang.

Yangz Gijbyauh cungfaen haengjdingh gij cingzcik Swhyenz Yen minzyij bumwnz guh hong minzcuz gaenxgoemx gvancez lozsiz cingsaenz aen hoih hong minzcuz Cunghyangh caeuq Swcigih, ciuq cingzgvang daeuj guh, haiguh ndawbiengz hagsib sawjyungh vah saw minzcuz haenx, caemhcaiq doiq Swhyenz Yen yungh Cuengh Gun song cungj saw seiz miz mbangj vwndiz daezok iugouz cingjgaij. Yangz Gijbyauh ceijok, Swhyenz Yen aeu gyavaiq doigvangq sawjyungh Cuengh Gun song vah saw, gaenxgoemx lozsiz gij cing- saenz vwnzgen Swcigih. Youq gij giekdaej gyalai doiq ndawbiengz sawjyungh guenjleix Cuengh Gun song vah saw guh senhconz gwnzde, gawjbanh beizyinbanh, cugyamq doicaenh, vih daengx yienh ndawbiengz sawjyungh guenjleix Cuengh Gun song vah saw daezhawj sifan cozyung. (Dangz Meijyungz/唐美荣 Cau Mingzveij/赵明伟）