Mboengqneix, gou roxnyinh daxboh bienq gik lo, mbouj lumj gaxgonq yienghhaenx yienghyiengh cungj bang gou lo.

Gaxgonq, daxboh cungj dwg soengq gou bae hagdangz ciep gou cuengqhag ma ranz. Hoeng seizneix, de cungj dwg hawj gou gag aemq daehsaw bae hagdangz caeuq ma ranz. Ma ranz guh cozyez seiz, daxboh mbouj caiq bang gou buen daiz、dawz daengq, cix dwg heuh gou gag guh. Bingzseiz, de lij seiz mbouj seiz heuh gou guh di hongranz, lumj swiq vanj、saeg mad、baeb denz、baet ranz. De lij ciengzciengz heuh gou bae bang de cawx doxgaiq dem.

Daxboh caen dwg bienq gik ha? Dangyienz mbouj dwg! Gou rox daxboh dwg hawj gou bienq gaenx, hag rox gag guh, mbouj gauq bouxwnq. Daxboh caen dwg miz sim ha!

(seiq nienzgaep Yij Youz)