Raetgimcim dwg cungj raet ndei yingzyangj lai youh ndaej giep bingh cangq ndang ndeu, danbwzciz gig sang, ndawde hamz miz 18 cungj anhgihsonh, miz 8 cungj dwg ndang vunz aeu miz haenx. Gwn guh yw yungh miz baihlaj geij aen fuengmienh:

1、Dingj naetnaiq: Ciuq saedniemh baugau ndaej rox, hawj duznou itdingh seizgan gwn raetgimcim, duzde vaiqvet couh ndaej siucawz naetnaiq.

2、Ndaej dingj haenz: Raet caeuq ceh de mbangj mizyauq cwngzfwn doiq ndang vunz hix miz siu haenz cozyung.

3、Fuengz hezcij sang, gyangq danj- gucunz: Raetgimcim ndaej laengzdangj doihduz aenvih gwn liuh yinxhwnj hezcij sang, gyangqdaemq danjgucunz, ndaej fuengz sai sim lwed baenzbingh.

4、Coi sup haeuj caeuq baiz ok: Yenzgiu ndaej rox, raetgimcim ndaej demgiengz ndang vunz swnghvuz vued- singq, coi ndaw ndang sup haeuj baiz ok, mizleih supsou caeuq leihyungh gak cungj yingzyangj ndaw gijgwn.