Youq gwnz diuz loh raeuz majhung haenx, cungj ndaej daengz haujlai bangcoh caeuq gujli, gou hix mbouj laehvaih, hawj gou ceiq nanzlumz dwg baengzyoux Siujgyah bangcoh gou haenx.

Haj nienzgaep seiz, hagdangz hai miz yinxdaeuz siujcuj, gou camgya lamzgiuz yinxdaeuz siujcuj, Siujgyah hix youq baihndaw. Haidaeuz gou roxnyinh dwk lamzgiuz gig mizyinx, hoeng mbouj geij nanz, gou couh roxnyinh daengz dwgrengz, aen dungcoz neix nanz hag, aen dungcoz haenx hix hag mbouj rox, gou miz di mbouj siengj lienh lo.

Siujgyah raen gou yienghneix, couh cam gou:“Meijyingh, mwngz baenzlawz la? Ngoenzneix dwkgiuz baenzneix gik.” Gou lauxsaed naeuz:“Gou raen dwk lamzgiuz gig dwgrengz, mbouj siengj lienh lo.”Siujgyah nyinhcaen dwk doiq gou naeuz:“Meijyingh, mwngz mbouj dwg gig gyaez dwk lamzgiuz ma? Baenzlawz di hoj neix hix souh mbouj ndaej ne? Cijaeu mwngz nyinhcaen yawj gij dungcoz lauxsae, couh yungzheih hag lo, mwngz genhciz lienh, mwngz itdingh dwk ndaej ndei, gou siengsaenq mwngz.”Gou dingq gij vah Siujgyah le, aenndang miz rengz lo, couh nyinhcaen bae lienh……

Cigdaengz roek nienzgaep, cienz yangh senj vunz bae ndaw gih camgya lamzgiuz doxdax, aenvih gou roengzrengz lienh, dwk ndaej ndei, gou ndaej senj hwnj lo.

Dwg Siujgyah bangcoh gujli gou, gou cijndaej hag ndaej baenz, docih mwngz, Siujgyah!（指导老师：黄吉星）