8 nyied 19 hauh, Swcigih Minzyijveij Gohyenzcu diuyenzcuj daengz Yungzsuij Myauzcuz Swciyen cazyawj、geiqloeg nem cingjleix singyaem vah Bwzmyauz.

Youq ndaw yienh neix, vah Bwzmyauz dwg ndaw yienh cungj Vahmyauz ndeu, cungj vah neix cij miz Yanghfwnj Yangh、Swyungz Yangh、Vanzbauj Cin、Ganjdung Yangh daengj seiq aen yanghcin neix mbangj vunz gangj, gungh miz 11080 vunz yungh.

Gaenh bi daeuj, aen yienh neix dangjveij、cwngfuj gaenxmaenx lwnh- gangj cingzgvang hawj Swcigih Minzyijveij, maqmuengh miz vunz daeuj diucaz、 geiqloeg nem cingj- leix gij singyaem Vahbwzmyauz, Swcigih Minzyijveij rox le gig yawj- naek gienh saeh neix, couh youq 8 nyied 19 hauh baij diuyenzcuj daengz Yungzsui diuyenz Vahbwzmyauz. Baez diucaz neix aeu guh sat hong soucomz geiqloeg 5000 aen sawloih Vahbwz- myauz.

(Veiz Yungzcinh/韦荣春)