●8 nyied 20 hauh, Cing- sih caet nyied cocaet ciet aendomq youq Cingsih Yen Lungzdanz gawjhengz. Haemh- de, hozdung yienhciengz daeng ronghcagcag ne, vunz cien vunz fanh, gofoux biujyienj youq aen daizheiq gwnz raemx gawj- hengz, ndeiyawj raixcaix.

(Siuh Fazlingz)

●Dangqnaj, youq gih raeuz, cingq dwg mwh gak dieg nyaengq banh daigvanj banghag. Daengz 8 nyied 16 hauh, daengx gih gungh hawj 15.25 fanh vunz banh daigvanj banghag, hozdungz cienzngaenz 9.55 ik maenz. Guj bineix cungj daigvanj neix yaek hawj 32 fanh hagseng souh’ik, cuengq daigvanj 22 ik maenz.

(Vangz Swhcang)

●8 nyied 18 hauh, Gveigangj Si nyezoiq ciet Fwencuengh yienjok hozdung youq Yinghlez Gungh Vwnzyi Cunghsinh gawjbanh, ndaw si 14 aen vwnzyidui faenbied yienj Heiqcuengh、ciengq go Vahcuengh、eu Fwencuengh、diuqfoux daengj, dazyinx geij bak vunz daeuj yawj. Baez hozdung neix hawj lwgnyez bouxcoz gyalai rox Fwen- cuengh, lai gaenxmaenx hungz- yangz nem swnjcienz vwnzva Bouxcuengh.

(Veiz Giva)

●Bi’gvaq, Lozcwngz Mulaujcuz Swciyen“daengx yangh doihaeuj”hanghmoeg dajsuenq baugvat gihcuj sezsih、canjyez bangfuz daengj 77 aen hanghmoeg, gungh roengz- ngaenz 1.8 ik maenz. Dangqnaj, gaenq guh sat nem cingq guh 55 aen hanghmoeg, dajsuenq guh roxnaeuz yaek haigoeng guh 12 aen hanghmoeg, gungh miz 73.3% cingq guh roxnaeuz guh sat.

(Mungz Cwnghswh)

●Bineix, Duh’anh Yauz- cuz Swciyen laeb makit byauh- cunjva dajndaem gihdi, daj- ndaem makit 4000 lai moux.Linghvaih ndaem makitbya 6 fanh lai moux. Makit canjyez gaenq baenz aen canjyez hawj nungzminz ndaej laisou ndeu.

(Hanz Ginhcinz)