Hagdangz dou gig gyaeundei, mbouj saenq mwngz yawjyawj.

Byaij haeuj bakdou hagdangz, couh yawjraen song mbiengj bakdou hung ndaem miz haujlai va. Gij va haenx miz hoengz miz henj miz aeuj, geijlai ndeiyawj ya!

Byaij haeuj ndaw hagdangz, mbiengj baihsae couhdwg vwnzva cangzlangz hag- dangz. Mwngz yawj gwnz ciengz veh miz fukveh caeuq sij miz vahgawq, gijneix cungj dwg son dou baenzlawz guh boux lwgnyez gvai ndeu, lwnh dou aeu nyinhcaen hagsib, daengzcog guh boux vunz miz yungh ndeu.

Cungqgyang hagdangz dwg gyauyoz- louz. Gyauyozlouz sangngaungau, yawj hwnjbae gig gyaeundei, daengz hwnjdangz seizgan, ndaw gyausiz gyoengq doengzhag sing doegsaw goksasa.

Caiq yiengq baihdoeng byaij bae couh- dwg gyausiz yozcenzbanh lo, ndaw haenx miz haujlai doxgaiq guhcaemz, gyoengq nuengx iq baez daengz goq hozdung couh youq gizneix guhcaemz.

Neix couhdwg aen hagdangz dou, dwg giz dieg gyaeundei hawj dou angqyangz hagsib ndeu.

(指导老师：陆冬群)