Gaenh bi daeuj, Hocouh Si gyagiengz doxvang lienzhaeh, lai bumwnz caez haenqrengz, baihgwnz bued hawj cienzngaenz gyalai haujlai. 2014 nienz ceng ndaej swcigih bued hawj gij cienzngaenz fuzbinz dieg minzcuz 8333 fanh maenz, beij 2013 nienz 6222 fanh maenz gyalai 34%. Ndawde ceng ndaej Swcigih Minzveij bued hawj cienzngaenz hwngfat saujsu minzcuz ndaw si 335 fanh maenz, beij 2013 nienz 282 fanh maenz gyalai 18.79%. Ndaej gij cienzngaenz neix le aen si neix gaenxmaenx comz ndei swhyenz, sawj gij cienzngaenz neix cinjdeng dwk yungh youq dieg minzcuz guh gihcuj sezsih nem canjyez fuzbinz hanghmoeg, mbouj- duenh gaijndei saujsu minzcuz minzswngh.

Ciuq gyoepsuenq, gaenh bi daeuj, daengx si roengz 2.43 ik maenz cienzngaenz caizcwng fuzbinz dieg saujsu minzcuz, coihguh roen mbanj gaep 1233 diuz 3102 goengleix, guh giuz 166 aen 2927 mij, 212 aen cunh saujsu minzcuz comzyouq cienzbouh doeng goengloh, gaijgez 67 fanh ginzcung byaij roen hoj vwndiz; guh vunz nem doihduz gwnraemx gungh- cwngz 206 giz、 daemzraemx 293 aen, gaijgez 28.15 fanh vunz saujsu minzcuz gwnraemx vwndiz; hwnjguh daemzcaujgi 28593 aen, 14.29 fanh vunz souh’ik; hwnjguh reihnaz suijli aenfai iq 29 aen, mieng iq 5171 mij, ndaej dwkraemx coq reihnaz 3150 moux, 1.6 fanh vunz souh’ik; bangcoengh lajmbanj ranz daegbied gungzhoj gaijguh ranzyiemj 537 hoh, gaijgez youq ranz vwndiz. Doenggvaq guh buek hozdung fuzbinz haifat, mizyauq dwk daezsang vunz saujsu minzcuz daezsang swnghhoz suijbingz, daengx si vunz saujsu minzcuz moix boux cinghsouhaeuj daj 2002 nienz 625 maenz gyalai daengz 2014 nienz 3500 maenz. (Moz Veijginh/莫伟军)