●Duenh neix, Dunghlanz Yen heuh ndaw yienh bouxcoz yozliz sang nem bouxcoz hab nienzgeij bauqmingz dangbing. Daengz 8 nyied 13 hauh, daengx yienh miz 938 boux vunzcoz bauqmingz dangbing, ndawde 892 boux hab diuzgen, daconh yozliz doxhwnj miz 108 boux, vunz saujsu minzcuz 822 boux, ciemq 92.2%.

(Veiz Swngyang)

●8 nyied 11 hauh banhaet, Yougyangh Gih Minzcuzgiz youq Bwzcwngz Gaihdau Vwnzmingz Segih hai vunz minzcuz codanzvei. Ndaw si doengboux vunz minzcuz gungh 32 boux camgya, baugvat Bouxcuengh、Bouxgun、Yauz- cuz、Dungcuz、Suijcuz、Veizcuz、Bwzcuz、Dujcuz daengj. Gyoengqde miz maz gangj maz, doxyaeng seizdaih ciuhneix baenzlawz guh ndei hong minzcuz ndawsingz.

(Yougyangh Gih Minzcuzgiz)

●Daengz 8 nyied 7 hauh, Bingzgoj Yen ciuq faplwd hengz, hawj 105 hoh gyau sui (danhvei roxnaeuz gakvunz) gemjnoix ngaenz sui 1340 fanh maenz, doengzbeij gyalai 35%. Gak cungj suisouh youhvei cwngcwz ndaej cienzmienh saedhengz, hawj doenghgij hoh gyau sui youq dieg minzcuz gyau sui ndaej souh’ik.

(Lij Gyanghlanz)

●Bineix, Denhdwngj Yen suijcanj cuzmuzyez guh hong- saeh ok diemjrongh lai, cwngz- yau yienhda. Daj bineix daeuj, aen yienh neix cuzmuzyez cungjcanjciz 36397 fanh maenz, doengzbeij gyalai 3.2%.

(Vangz Lilanz)

●Daj 2007 nienz daengz seizneix, Libuj Yen gungh soucomz feihvuzciz vwnzva yizcanj saenqsik 1012 diuz, diucaz hanghmoeg 51 aen, laeb sugigu caemhcaiq souloeg hanghmoeg 5 aen, yaemsiengq swhliu 5 faenh, caizliu cihsaw 10 fanh lai cih, bien nem okbanj buek saw go、 fwen daengj saw cienmonz ndeu. Daengx yienh gunghbu yienh gaep feihvuzciz vwnzva yizcanj henhoh mingzloeg 5 aen、si gaep mingzloeg 3 aen, swcigih gaep 2 aen.