Seizhah mbwn ndat, vunz ok hanh lai, raemx ndaw ndang hix sied bae lai, wng habdangq gwn di huqsoemj he, lumj makyungz、makcengz、makdumh、makseq、makit、maksanhcah、makgai daengj, gij soemj de ndaej yup hanh dingz siq giep caep, ndaej yawhfuengz aenvih ok hanh daiq lai sied heiq sieng yaem, youh ndaej seng raemx gaij hozhawq, cangq dungx siu cwk. Youq ndaw byaek dwk di meiq he, gawq ndaej gaj nengz siudoeg, youh ndaej fuengz dungxsaej baenzbingh.