Ranzmbanj gou youq laj dinjbya, seiqhenz cungj dwg bya’ndoi goengq lienz goengq，couh lumj duzlungz heux bae heux dauq ityiengh. Ranzmbanj gou yienznaeuz mbouj lumj ndawsingz yienghhaenx nauh- yied fuengbienh, hoeng seiqgeiq cix gag miz gij daegsaek de.

Seizcin, gwnz bya gofaex did ok nyod moq, maj ok mbaw oiq, heuswdswd mwncupcup. Ndaw rij raemx laecoco, duzvaiz iq youq henz rij youzbyaij, gyoengqde miz mhangj ngaem gyaeuj roengzdaeuj ndoet raemx, miz mhangj buet bae buet dauq. Ndaw naz gyoengqvunz cingq nyaengq ndaemnaz.

Seizhah, mbwn rongh le, diuzdah naj mbanj couh hainduj nauhyied hwnjdaeuj lo. Vunz ndaw mbanj bae ndaw dah saeg buhvaq, caemxndang, gyoengq lwgnyez youq ndaw dah youz- raemx、guhcaemz、dox baeuh- raemx, raemx sinz deng gyoengqvunz youq henz dah saeg buhvaq, daengx ndang cungj mbaeqmbatmbat lo, gyoengqde cawz ndaq geij coenz le, hix mbouj miz maz banhfap sawj gyoengq lwgnyez dingz roengz- daeuj. Henz dah cungj dwg gangjgangj riuriu, nauhyied raixcaix.

Seizcou, ndaw doenghnaz haeuxnaz henjrwdrwd, yawj mbouj raen henz, rumz iq ci gvaqdaeuj, fan hwnj langhgim fubfub febfeb, gyoengqvunz youq ndaw naz cingq nyaengq dwk sou haeux, bouxboux angq raixcaix.

Seizdoeng, gwnz bya’ndoi lumj duet buhvaq mbawfaex roengzdaeuj nei, cij raen nyefaex ngutngut ngeungeu. Rumz saebaek bongj gvaq byaifaex yiengjhuhu, duznoucoengz mhouj ndaej mbouj ndoj haeuj ndaw congh bae. Noucoengz seiz mbouj seiz ndonj ok congh daeuj, yawjyawj seizcin dwg mbouj dwg yaek daengz lo.

Neix couhdwg gingjsaek seiqgeiq ranzmbanj gou.

（指导老师：覃庆赔）