Seizhah daeujdaengz lo, dienheiq ndat raixcaix, daxmeh youh cawj cuk duhheu lo.

Ngoenz ndeu, daxmeh cawj gu cuk duhheu ndeu, langh liengz cuengq youq ndaw denbinghsiengh.

Banringz cuengqhag ma, gou gwn vanj cuk duhheu ndeu, va, cuk duhheu liengzsisi, youh rang youh diemz，caen ndei gwn ha! Gou gwn le, couh okbae dwk lamzgiuz lo.Hozhawq le, gou youh dauqma gwn cuk duhheu, gou hai denbinghsiengh baez yawj, raen cuk duhheu noix bae haujlai, gou gig hozndat, ndawsim siengj: Itdingh dwg song boux biujgo gwn lo. Yienghneix, gou aeu mbaw ceij daeuj sij naeuz: Biujgo hung caeuq biujgo iq, sou mbouj ndaej caiq gwn cuk duhheu lo. Yienzhaeuh nem gwnz ciengz bae, lij sing hung doeg okdaeuj. Daxmeh dingqnyi le, unqswnh naeuz：“Mwngz mbouj ndaej yienghneix guh bw, song boux de dwg biujgo mwngz, gyoengqde hix hozhawq, daihgya doxcaez gwn.” Gou lij mbouj fugheiq naeuz:“Gyoengqde mbouj ndaej gwn baenz lai, mboujne, gou ngoenzcog couh mbouj miz cuk duhheu gwn lo.” Daxmeh ndaq gou:“Daeglwg ged neix, miz ndei gwn aeu caeuq daihgya itheij gwn cij van, gag gwn gaz hoz bw.”

Gou dingq gij vah daxmeh le, caiq mhouj ndatheiq lo.（指导老师：朱卫明）