Bouxlaux ciengz gwn di meiq he miz itdingh baujgen cozyung, hoeng yingzyangj conhgyah Hungz Cauyi gyausou naeuz, gwn meiq aeu haeujsim fuengfap, dajcawj seiz miz gimqgeih, mboujnex, dauqfanj yingj- yangj ndangdaej bouxlaux gengangh.

Daih’it, cawj byaek seiz dwk di meiq he gwn ndaej sek dungx, daegbied dwg bouxlaux amqbak mbouj ndei, gwn byaekliengzban seiz dwk di meiq he, byaek byoiq youh habbak, sek dungx vunz lai gwn ndaej doxgaiq.

Daihngeih, mwh cawj byaek seiz dwk di meiq he, ndaej hawj veizswnghsu caeuq veizswnghsu C vayoz gezgou ndaw byaek engq onjdingh, baujhoh ndaej yingzyangj cwngzfwn ndaw byaek. Mwh cien bya、aeuq noh、aeuq dang ndoksej seiz dwk di meiq he, ndaej yungzgaij gij gai ndaw ndok, mizleih ndang vunz supsou, fuengz bouxlaux baenz ndok soeng ndok byoiq.

Daihsam, bouxlaux baenz hezyaz sang seiz, meiq ndaej daiqlawh gyu gwn, ndaej gamhanh hezyaz swng sang. Caiq gangj, meiq deng ndang vunz supsou le, coi faengaij youzlauz okdaeuj, fuengz danjgucunz yaemz youq bangx sailwed, doiq yawhfuengz bouxlaux baenz binghsailwed miz itdingh cozyung.

Daihseiq, meiq ndaej sanq cwk、gej doeg、gaj nonnengz, ndaej hanh- haed sigin miz haih sanjmaj.

Bouxlaux gwn meiq aeu haeujsim fuengfap, mbouj hab cigciep ndoet- gwn, wng dwk roengz byaek bae gwn. Aenvih meiq dwg huqsoemj, dangh- naeuz mbouj heuz saw couh gwn rox sieng nemmuek aendungx, yinxhwnj baenz dungx in caeuq dungx biux- naeuh, caemhcaiq rox yinxhwnj baenz siuhvadau ok lwed.

Cawj lauxbaeg nding caeuq byaekheu mbouj hab dwk meiq.