Daj 2010 nienz daengz bineix nienz co, Fangzcwngzgangj Si Gangj- bwz Gih yizminz bumwnz gungh roengz 860 lai fanh maenz, youq ndaw gih Dahih Cin Minzloz Cunh Mbanjgingloz guh mbanj yizminz (bouxsenjranz) moq, 2000 lai vunz souh’ik. Ndawde, Mbanjgingloz aen mbanj bouxsenjranz moq neix miz 46 ranz saedhengz doengjit gveihva、doengjit sezgi、doengjit hwnjguh.

Dangqnaj, aen mbanj bouxsenj- ranz moq neix gaenq guhbaenz 34 doengh ranz. Aen cin neix gungh cengndaej cienzngaenz baihgwnz 200 lai fanh maenz yungh daeuj guh mbanj bouxsenjranz moq, caiq gya cienzngaenz vunzlai gag comz, guh aen mbanj moq neix gungh roengz- cienz mauhgvaq 1000 fanh maenz. Seizneix, Mbanjgingloz gaenq baenz diemjrongh ndaw hongsaeh Dahih Cin guh mbanj moq gensez.

(Veiz Sauboh/韦绍波)