●7 nyied 29 hauh, Denh- ngoz Yen Bazlaz Yauzcuz Yangh gawjbanh daihngeih gaiq ciet makmaenjcaw. Gungh miz 1.2 fanh lai vunz camgya, ndaej ciem dan aeu makmaenj 11 dan, gungh naek 45 fanh goenggaen, neix ndaej souhaeuj 450 fanh maenz.

(Loz Bungzfeih)

●7 nyied 27 hauh, Hwngzyen Veiswngh Nem Giva Swnghyuz Giz youq yienh cunghyihyen gawjbanh canghyw lajmbanj Cunghyih Ywcuengh gihbwnj cihsiz nem ginaengz beizyinbanh, gungh miz 65 boux canghyw lajmbanj camgya.

（Banh Byauhcauh Mungz Conzgenj）

●Dangqnaj, Cungzcoj Si“goqdangz laj goreiz(gorungz)”gaenq miz doh 78 aen yanghcin (diuzhaw), guh baenz 100 giz sifandenj.

(Couh Yizgangh)

●Bi’gvaq 6 nyied, Dava Yauzcuz Swciyen hainduj youq Luzyej Yangh guh fuzbinz haifat“daengx yangh doihaeuj”, gihcuj sezsih gensez aeundaej cwngz- yau haemq hung. Bineix aen yangh neix gaenq youq Hozbingz Cunh guh goengloh mbanj gaep daj Lunghungz daengz Lungfaz、Ganjsiu daengz Lunglwz daengj; laebguh giz comz gung raemx 26 giz, guh gvihraemx ranzvunz 65 aen, coihguh mieng dwk- raemx coq reihnaz 7 diuz 10.7 goengleix; gaijguh denvangj lajmbanj 15 giz.

(Veiz Bungzyen Veiz Cwz)

●Daj bineix daeuj, Lozyez Yen hawj ranghdieg minzcuz gungzhoj nem diegbya ndawde 518 ranz gungzhoj lajmbanj 2090 vunz senj diegyouq, hanghmoeg gungh roengzcienz 3762 fanh maenz, ndawde vunz saujsu minzcuz ciemq 90%. Ciuq cam rox, bineix daengx yienh gungh guh giz comz vunz youq 10 giz, moix giz youq 1000 vunz dauqndaw.

(Lozyez Yen Minzcuzgiz)