Dwen daengz seizneix mbauq lajmbanj

Ganj gvaq ciuhgeq geijlai boix

Bi’ndwen iqet nangzbawx oiq

Baenz sueng baenz doiq gvaq ndwenngoenz

Mwngz naeuz geizgvaiq mbouj geizgvaiq

Caengz mai mbawcingq couh dungx bongz

Ngamq rim ngeihcib lwg baenz sueng

Maqmuengh ranz hwng caeux vuenyungz

Gva caengz ruenz gaeu couh mbaet gwn

Caengz humx suen ndei sien ndaem haeux

Bouxsai seiqcib couh baenz baeuq

Mehmbwk samgouj couh baenz yah

Boh iq meh nomj lwg caemh oiq

Laeng boiq hwet goz cengqgengz guh

Hongnaz hongreih ciengzseiz nguh

Vaqbuh rengqret heiz ndaemngaeuz

Guekgya faplwd gaej raegrwz

Ciuseng hwzhu gag boihseiz

Fadcienz cixbah caiq youheiq

Raemxmeiq yub haeux nanz roengz dungx

Ndaw ranz vunz noix ndei gvaqcieng

Gaenxgiemh gwn ndei gyaranz vuengh

Lwg dog ganq ndei caemh vuenyungz

Haisim soengyungz bongh siujgangh