Haexgaz song ngoenz rox- naeuz hajroek ngoenz ok mbouj ndaej haex seiz, dingzlai dwg aenvih miz bingh yinxhwnj.

Boiqfueng 1: Saenaz hung aen ndeu, di gyu he.

Yungh fap: Song yiengh caez daem yungz oep saejndw, hoemq baengzsa gvaq gwnz bae le baengzgyau dingh ndei, ngoenz vuenh yw baez ndeu, ceiq lai oep song baez couh ok ndaej haex.

Boiqfueng 2: Coengbieg daiq rag 3 dug, 30 gwz hingndip, 50 naed duhseih, 8 gwz gyu.

Yungh fap: Caez daem yungz nyaenj baenz gau yo ce bwh yungh. Aeu di ywgau he oep saejndw, hoemq baengzsa gvaq gwnz le yungh baengzgyau dingh ndei, naengh caengz ok ndaej haex couh caiq yungh aen fap neix guh baez moq, yaugoj haemq ndei.

Boiqfueng 3: 6 gwz buzsiuh (朴硝), 1.5 gwz lwgsaeg.

Yungh fap: Song yiengh caez ngenz mienz, mwh yungh seiz dwk di raemx he heuz baenz gau oep saejndw, baengzsa hoemq gwnz baengzgyau dingh ndei, ndaej siq huj doeng haex, doiq haex ndat gaz ywyauq haemq ndei.