Ranz gou ciengx miz duz douq ndeu. Duzdouq ranz gou gig ndeiyawj, daengx ndang cungj dwg saekhau, yungzyubyub. Doiq rwz youh hung youh raez, diuz rieng dinjded. Duzdouq gig gyaez gwn lauxbaeg caeuq byaekheu. Duzdouq gwn doenghyiengh seiz yiengjgedged gig ndei dingq, gou youq henz dingqnyi gij sing duzdouq gwn doxgaiq feihfwd neix, aenbak gou hix nyaenx mbouj ndaej siengj gwn doxgaiq lo. Ngoenznaengz cuengqhag dauqma gou cungj bae caeuq duzdouq guhcaemz, danghnaeuz ngoenz lawz mbouj ndaej raen duzdouq, ndawsim couh gig siengj de. Gou gyaez duzdouq ranz gou, de lumj baengzyoux gou ityiengh buenx gou majhung.

（指导老师：陆超梅）