Bi 1967 caeuq bi 1968 song bi neix, dwg mwh ceiq luenh “vwnzva dagwzming” Guengjsae, haujlai vunz ienuengj dai mingh, ginghci deng buqvaih youqgaenj. Daengx gih gunghnungzyez cungjcanjciz, bi 1967 beij bi 1966 doekroengz 2.2%, bi 1968 youh beij bi 1967 doekroengz 14%.

Swcigih Gwzming Veijyenzvei laebbaenz le, youh deng gij hongnaek rap hwnj onjdingh gizsi caeuq hoizfuk、fazcanj ginghci haenx dem. Veiz Gozcingh deng nyaemh guh Swcigih Gwzming Veijyenzvei cujyin, doek- laeng youhcaiq deng senj guh Swcigih Dangjveij daih’it suhgi, de feiq caenh simgei, caenhsim haenqrengz, baengh dungxcaiz daengxcungq, roengzrengz saedyienh Guengjsae ndaej onjdingh doxgiet bae fazcanj ginghci.

Cingq lumj 《Ciuhvunz Veiz Goz- cingh Dungzci》《Yinzminz Yizbau》 bi 1989 ndwen 6 ngoenz 28 daeng haenx vixok:“Youq ndaw ‘vwnzva dagwz- ming, Veiz Gozcingh dungzci deng Linz Byauh、Gyangh Cingh caeuq doengzdoih de amqhaih, de ndaej Mauz Cwzdungh cujsiz caeuq Couh Wnhlaiz cungjlij baujhoh le, youq ndaw ndwenngoenz haemzhoj lajde, yungh gak cungj fuengsik dingjceiq Linz Byauh、‘Seiq Vunz Bang’ yaemmaeuz guh fanj gwzming hozdung, youq ‘vwnzva dagwzming’cungj cingzgvang gig fukcab gig gannanz seiz, de caenhsim souj ndei hong bonjfaenh, roengzrengz guh hong, caenhrengz baujciz ranghdieg Guengjsae ndaej onjdingh caeuq hengzguh ginghci gensez.”

Duenh haenx, caenhguenj gan- nanz baenzmaz, Veiz Gozcingh lij ciuqyiengh yungh gij doegrengz de bae gaem guh hong ginghci mbouj cuengq, lauxlaux saedsaed guhhong, roengz- rengz saedyienh gij nyienhmuengh codaeuz de siengj gaijbienq yienghceij Guengjsae lotlaeng haenx.

Fazcanj nungzyez dwg aen vwndiz hung de ceiq sien naemjngeix ndeu. De fanfoek naeuz, aen goekdaej gozminz ginghci nungzyez neix mbouj maenh ndei, gunghyez caeuq gij hong wnq couh nanz hwnj ndaej bae, couhsuenq cengqgengz hwnj ndaej bae, doeklaeng lij ngaiz lot roengz- daeuj, neix dwg gij sizcenj lai bi daeuj gaenq cwngmingz gvaq lo. Ndigah, hong nungzyez mbouj ndaej cuengq- soeng saekdi.

De daj saehsaed Guengjsae bae guh, daezok aeu yungh seizgan haemq dinj, ceng’aeu daj swcigih guhhwnj, daengz vunzguhnaz moix boux miz moux nazbaujraemx ndeu, moix boux vunz miz 800 gaen haeux. Mwh de lij hwnjnyaemh, de caeuq gij doengzsaeh de doxcaeuq, caenndang daiqlingx gyoengq ganbu caeuq gak cuz yinzminz, haenqrengz guhhong, bi doek bi, baez yamq baez yamq byaij bae coh aen muzbyauh neix.

Bi 1969 ndwen 6, de youq Yunghningz、Hwngzyen、nhyangz、Sanglinz、Majsanh、Vujmingz、Lungz- anh daengj yienh guh diucaz, fanfoek giengzdiuh aeu haenqsim gaijbienq gij diuzgienh goekdaej hong nungzyez. De iugouz boux goengdaeuz ndaw yienh、ndaw se, daj gij saehsaed bonjdieg bae guh, dingh’ok aen gveihva gyaeraez hwnjguh goekdaej nazreih he, haidaeuz guh yienznaeuz mbouj daih ndei, gvaqlaeng caiq cugbouh caez- cienz. De naeuz:“Miz gij gveihva gyaeraez le, cix aeu fatdoengh vunzlai faen geiz faen buek cug bi bae guh, ciengz ca gaej cuengqsoeng.”

(caengz sat)