Swhyenz Yen Liengjsuij Myauz- cuz Yangh ciuq cingzgvang dangdieg, hengz aen mozsi“gunghswh+gihdi+nungzhoh”, gaenxmaenx heuh vunzlai hwngfat canjyez dajndaem, mboujduenh guh hung daegsaek canjyez. Bineix daengx yangh dieg ndaem lwgmanh、mizhouzdauz、byaekgwn de cungj gyalai, lwgmanh gya daengz 1000 moux. Ndawde Hozbingz Cunh couh ndaem lwgmanh 250 moux, cunhcihsuh Yangz Sinhgvei daj- ndaem le 1.6 moux lwgmanh, cunhveij veijyenz Yangz Cungzyi dajndaem 5.2 moux lwgmanh. Youz cunh ganbu gaenxmaenx daiq- doengh, daengx cunh doengzcaez roengzrengz dajndaem lwgmanh.

Bineix vunz sou lwgmanh moix gaen 1.8 daengz 2 maenz, nungzminz souhaeuj haemq lai. Mizdi lauxbanj cigsoh daengz ndaw cunh nem reihnaz sou lwgmanh, nungzhoh cigsoh youq bakdou ranz couh gai bae lwgmanh lo, vunzlai sim’angq dangqmaz.

(Cau Mingzveij/赵明伟 Dangz Meijyungz/唐美荣)