Makdoengj gej laeuj: Gwn 3 daengz 5 aen makdoengj roxnaeuz makgam, roxnaeuz nap aeu raemx de gwn.

Makleiz gej laeuj: Gwn mak- leiz roxnaeuz nap aeu raemx de gwn.

Gyaeqhau gej laeuj: Dub aen daengz song aen gyaeqgaeq, gwn gyaeqhau, ndaej baujhoh nemmuek aendungx, caemhcaiq ndaej hawj aendungx noix supsou ciujcingh.

Raemxreiz gej laeuj: Gwn raemxreiz gwd, ndaw raemxreiz hamz miz dohdangz caeuq B cuz veiz- swnghsu, miz gej laeuj cozyung, dwk di begdangz ndeu heuz gwn, yaugoj engq ndei.

Gwn caz gej laeuj: Ndaw caz hamz miz danhningzsonh ndaej gaijcawz gipsingq ciujcingh deng- doeg, gahfeihgenj caeuq cazgenj doiq diemheiq deng gaz caeuq maez ninz miz ywyauq.

Raemx makyungz gej laeuj: Ndaw raemx makyungz hamz miz dangzmak, ndaej faengaij ciujcingh, baez dog gwn 300 hauzswngh doxhwnj, ndaej hawj boux gwn laeuj le gyaeuj ngunh cugciemh siu bae. Sizcenj cwngmingz, gwn raemx makyungz beij gwn aen de gej laeuj engq ndei. Caengz gwn raemx makyungz gaxgonq dwk di gyu he heuz gwn, ndaej onjdingh cingzsi bouxvunz.