Saedcaih ne, bang Yez hoenx Meij caeuq henhoh guekcoj, minz- bingh Guengjsae raeuz fazveih gij cozyung gig daih. Vihliux baujcwng yinhsoengq doxgaiq bang Yez hoenx Meij, bi 1965, daengx gih gyoebguh le 4 aen minzbingh dajyinhdonz, miz 1.2 fanh lai boux minzbingh seiqseiz cajdeq bae dajyinh. Youz swcigih gyauhdungh cijveihbu gyoebbaenz doihyinhsoengq heiqci, 1000 lai boux canghhaici minzbingh, ciengz- geiz youq diuz sienqdiegbien Cungh Yez haenx hai ci. 94 ruz minzbingh youq gwnz haij yinhsoengq haenx, dingj dwk deng caq caeuq bungq dileiz caq yungyiemj, yinhsoengq le daihliengh bang Yez doxgaiq. Vihliux boiqhab gunghginh baujhoh gwnz- mbwn guekcoj, Veiz Gozcingh daez yigen caemhcaiq bauq hawj Cungh- yangh Ginhveij ndaej daengz baecinj, Namzningz Si bi 1965 gyoebguh aen minzbingh gauhbauyingz ndeu, yungh Cangjlienhgvangq Namzningz、Cangj- vagungh Namzningz、Cangjcaqdangz Namzningz guh goekdeih, supsou gij bouxbing fukdoiq ndaw cizgungh guh guzgan, youz gij gunghginh cap youq Guengjsae haenx baij gyoengq bingdaeuz bang yinhlienh, seizseiz yaek cunjbei dingjhoenx feihgih Meijgoz daeuj caeghoenx soujfuj Namzningz. Daengx gih daih’iek miz 3000 lai boux minzbingh camgya le gamyawj caeuq cungq nyingz coh gwnzmbwn. Gangj daengz camgya ciengjcoih roenloh, yinhsoengq dox- gaiq hwnjci roengzci, gyaq sienq- dienhvah, soujhoh giuzliengz、feih- gihcangz、ranzcang daengj hozdung neix, geq hix geq mbouj rox liux. Gunghginh youq gwnzmbwn Guengj- sae dwk feihgih Meijgoz doek le, moix baez cungj dwg gyoengq minzbingh sien bae daengz giz feihgih doek haenx gonq, baujhoh yienhciengz. Bi 1967 ndwen 8 ngoenz 21, Meijgoz sam gyaq feihgih hoenxciengq ciemqfamh gwnzmbwn Guengjsae, cienzbouh deng nyingz doek, gyaq he doek roengz roggyaiq bae, song gyaq doek youq ndaw dieg Guengjsae. Boux feihhingzyenz Lozbwzdwz, diuq roengz liengjgyangqdoek ngamq 10 faen cung, doq deng gyawj cien boux minzbingh humx dwk, haep dwk de ndang saenzdedded gingz fwngz douz- yangz. De naeuz, de lij dwg caijsoq ndei, lij ndaej lix, danhseih siengj mbouj daengz, youq ndaw lueg laeg neix gig vaiq couh deng baenzlai vunz humx. De caenndang gamjsouh daengz gij rengzak cancwngh gyoengq lwgminz Mauz Cwzdungh.

Veiz Gozcingh cawjguenj Guengjsae, cibfaen haeujsim ginh- cwng ginhminz doxgiet. De ciengz gangj: Bingdoih caeuq deihfueng, youq Mauz Cwzdungh caeuq dangj- cunghyangh lingjdauj lajde, soqlaiz couh dwg ranz vunz ndeu. Moix daengz ciethung, de cungj caenndang bae daengz ginhgih caeuq goengdaeuz ginhgih doengheiq. Aenvih gij ginglig caeuq gij coengmingz de nem gij diegvih de, youq ndaw bingdoih gig miz veihvang, ginhgih caeuq gyoengq bing cungj saenq ndaej de, ciengzseiz yiengq de veibau gunghcoz. Youq de daiqlingx baihlaj, daengx gih gwnzlaj bing gyaez lwgminz, lwgminz yungjhu bingdoih, gyoengq bing vih lwgminz guh saehndei, lwgminz gagnyienh cihciz bingdoih. ginhcwng caeuq ginhminz gvanhaeh, itcig gig ndei, cibfaen doxhuz.

Mauz Cwzdungh naeuz: “Gyoengqbing caeuq lwgminz doxgiet guh bog dog, lajmbwn bouxlawz dwk ndaej hingz?” Guengjsae cingq dwg youq dangjcunghyangh lingjdauj lajde, ingbaengh cungj ginhminz doxgiet neix, hawj aendou baihnamz guekcoj genq lumj rinbanz nei, nanz dub ndaej soiq, mbaw geizhoengz haj aen gaksing ndingfwg itcig youq gwnz Youjyizgvanh yiengq rumz biuyegyeg.

(caengz sat)