Gaenh bi daeuj, Lingzyinz Yen ciuq dieg hengzguh, heuh vunz saujsu minzcuz haenqrengz dajndaem gosangh ciengx nonsei, baij doengh- boux gisuz guzgan bae diegwnq hag gisuz senhcin, youq lajmbanj guh gisuz beizyin, hawj vunz saujsu minzcuz lajmbanj caencingq gaem- dawz gisuz dajndaem gosangh ciengx nonsei, caen ndaej souh’ik.

2007 nienz, aen yienh neix yinx boux roengzngaenz baihrog daeuj banh aen cangj cauhsei（Gvangjsih Yijdwngz Cauhsei Youj- han Gunghswh）, gaijgez boux ciengx nonsei gai reh vwndiz, hawj boux ciengx nonsei mbouj yousim, vunzlai engqgya maij ndaem gosangh ciengx nonsei, seizneix ndaem gosangh ciengx nonsei gaenq baenz aen hanghmoeg hung hawj gak minzcuz ginzcung baenzfouq laisou. Dangq- naj, Lingzyinz Yen ndaem miz 8 fanh moux suen gosangh, suen gosangh ndaej mbaet mbaw gueng non de miz 5 fanh lai moux. 2015 nienz, daengx yienh dajsuenq ciengx nonsei 5 fanh dungh, reh moq canjlieng 4 fanh rap, guh ranz moq ciengx nonsei 2 fanh bingzfanghmij, guj bi canjciz 7600 fanh maenz doxhwnj. Dangqnaj, aenreh moix goenggaen 40 maenz, daengx yienh 2015 nienz daih’it buek reh gai ndaej 200 fanh maenz doxhwnj.

(Siuh Fazlingz)