●7 nyied 11 hauh, miz bang cunghyozswngh ndeu daj Ouhcouh Meijgoz daeuj daengz Gunghcwngz Yauzcuz Swciyen ngonzyawj fungh- gingj nem guh hozdung doxgyau vwnzva, gyoengqde youq nungz- gyahloz、guh hong reihnaz、caeuq lauxsae dangdieg hag vehveh nem diuq foux mauhngeg, gyoengq hagseng de gig gyaezmaij gij vwnzva Yauzcuz gig geizheih neix.

(Liengz Veih Hoz Ginh)

●Geij ngoenz gonq, Swcigih Minzveij ok dunghcih, dingh Vangzsi Cizdonz Gujfwn Youjhan Gunghswh、Gvangjsih Nanzfangh Gijgwn Raz- ndaem Youjhan Gunghswh、Gvangjsih Vujfungh Haeuxgwn Cizdonz Youjhan Gunghswh daengj 22 aen minzcuz canjbinj giyez nem Sanglinz Nanzvaz Dangzyez Youjhan Gunghswh、Gvangjsih Ginhsui Nungzyez Cizdonz Youjhan Gunghswh daengj 2 aen minzcuz mouyi giyez guh“daengx guek minzcuz mouyi nem minzcuz dwzsih sanghbinj swnghcanj cien aen beizyuz giyez”.

(Vangz Sinhyungz)

●7 nyied 8 hauh, Gvangjsih Swzsan Cungjvei Cinz Gwzfu misuh- cangj daiq Liujcouh Si Swzsanvei 4 boux vunz daengz Yungzsuij Myauz- cuz Swciyen vih Baujmaj Gihginhvei cazyawj doenghboux daihhagseng gungzhoj. Bineix Baujmaj Gihginhvei gungh coengh aen yienh neix 13 boux daihhagseng moq, gungh coengh 13 fanh maenz.

(Yauz Huj)

●Daj bineix daeuj, Liujcwngz Yen Gujcai Mulaujcuz Yangh okmoq guenjleix mozsi, youq cunh mbanj ndaem faexrum, cwngzyau yienhda. Youq henz roen、cunh mbanj youqgaenj lingh guh byauhyij 200 lai diuz, comz ganbu ginzcung 3.8 fanh vunzbaez roengz cunh mbanj bae cazyawj veiswngh. Youq daengx yangh 37 aen cunh mbanj guh hong ndaem faexrum, gungh ndaem dinfaex 11980 lai go.

(Liu Gvanvaz)

●Bineix buenq bi gonq, Loz- cwngz Mulaujcuz Swciyen Gung- siuhse gungh gai huq 1.28 ik maenz, beij bi’gvaq doengzgeiz gyalai 13.5%, ndawde gai doenghyiengh swnghcanj swhliu hawj nungzminz 6400 fanh maenz, beij bi’gvaq doengzgeiz gyalai 12.8％.(Vangz Canghvaz)