1、Mbawngaeux: Ndaej siu hwngq leih nyouh, ndaej yw fatsa gyaeuj ngunh、bitfiengj、ndang haenz. Moix baez gwn 15 gwz, baen 2 daengz 3 baez baek gwn. Aeu mbawngaeux caeuq haeux cawj cuk gwn hix ndaej. Fuengfap dwg aeu 2 daengz 3 liengx haeuxsan, mwh cawj cuk seiz, aeu mbaw ngaeux he swiq seuq mienh baihgwnz hoemq roengz gwnz cuk bae cimq oemq 10 faen cung le gwn.

2、Naeng sae’gva: Luep naeng heu sae’gva ndaej siu hwngq、gaij hozhawq、leih nyouh. Yw fatsa sim fanz、ndang ndat gvaqbouh、hozhawq、nyouh noix. Moix baez 30 gwz, lai baek geij baez gwn. Gwn sae’gva lai hix miz itdingh cozyung.

3、Mbaw godeiz: Ndaej siu hwngq cawz fanz、gaij hozhawq. Yw seizhah deng ndat sim fanz、nyouh henj、nyouh noix. Moix baez 10 gwz, baen 2 baez baek gwn.

4、Naeng gvesei: Ndaej siu hwngq cawz ndat, gaij hozhawq. Yw dengdoeg、sim fanz、gaij hozhawq. Moix baez aeu 20 gwz naeng ndip, baen 2 baez baek gwn.