Maenzdoengzlingz dwg cungj byaekheu yingzyangj gyaciz gig sang he, mboujdanh ndei gwn, de caemhcaiq ndaej fuengz bingh dem. Yingzyangj conhgyah vixok, moix ngoenz gwn aen maenz- doengzlingz ndeu, ndaej hawj baenz mauhfung gijliz doekdaemq 40%. Maenzdoengzlingz ndaej gejdoeg siu haenz、 cangq dungx ik heiq, bouxlaux wng lai gwn di.

Maenzdoengzlingz hamz nyinzsei gijgwn lai, ndaej bang- bouj fuengzceih saihoz baenz aiz, ndaej gamhanh danjgucunz ndaw lwed hamzliengh, gij danbwzciz niunek haenx ndaej yawhfuengz bingh sim sailwed, lij ndaej hawj vunz noix baenz mauhfung dem.

Maenzdoengzlingz ndaej ciengx dungx. Cunghyih nyinh- naeuz, maenzdoengzlingz ndaej huz dungx diuz ndaw、cangq dungx ik heiq, doiq ceihyw boux baenz dungx biux naeuh、boux ciengzseiz baenz haexgaz daih miz ndeicawq.

Maenzdoengzlingz ndaej gemjbiz. Gwn maenzdoengzlingz gaej lau youzlauz ndaw ndang lai gvaqbouh, aenvih de ngamq hamz miz 0.1% youzlauz, moix ngoenz gwn de ndaej gemjsiuj sup haeuj youzlauz, hawj gij youzlauz doyawz ndaw ndang cugciemh baiz ok rog ndang daeuj. Gaenh geij bi daeuj, Yidali、Sihbanhyaz、Meijgoz、Gyahnazda、Ngozlozswh daengj guekgya gonqlaeng roenxok buek canhdingh maenzdoengzlingz ndeu, boux siengj cangq ndang gemjbiz haenx cungj maij roemx haeujbae gwn.