Bonjbauq siusik (dungh- sinyenz Moz Binh/莫滨) 6 nyied 25 hauh, aen hoih daengx guek minzcuz yijvwnz gunghcoz yenzdauj duihcinvei youq Baekging hai. Gih raeuz Swcigih Minzyijveij fucujyin Yangz Gijbyauh daiq 5 boux vunz camgya baez hoih neix. Baez hoih neix nyinhcaen gvancez gij cingsaenz gvendaengz Dangj Cibbet Gaiq Sanhcungh、Swcungh Cenzvei nem Cunghyangh Minzcuz Gunghcoz Veiyi, yenzgiu gij lohnaemj nem banhfap youq seizdaih moq guh hong vah saw minzcuz, anbaiz hong duenh baihlaeng. Mizgven buveij nem danhvei boux fucwz hong vah saw minzcuz、daengx guek gak swngj(gih) minzveij、minzyijveij boux guenj hong vah saw minzcuz nem boux mizgven daengj 80 lai vunz camgya.

Youq hai hoih seizde, Cungh- goz Minzcuz Yijvwnz Fanhyizgiz nem Hwzlungzgyangh daengj 12 aen swngj(swcigih) nem danhvei doxgyau gij gingniemh nem guhfap gven- daengz hong vah saw minzcuz, doenghboux daibyauj camgya le yenzdauj. Yangz Gijbyauh daibyauj gih raeuz gangjvah, de gangj le《Hopheux“Seiq Aen Cienzmienh”Canloz Anbaiz, Dajsuenq Ndei Youq Seizdaih Moq Guh Ndei Hong Vah Saw Minzcuz Gih Raeuz》, caemh- caiq gyau caizliu《Gvancez Lozsiz Cunghyangh Minzcuz Gunghcoz Cingsaenz, Haenqrengz Guh Ndei Hongh Fanhoiz Book Gvangjsih Gij Gvangjbo Yingjsi Vah Saw Minzcuz》. Gih raeuz 5 boux faen haeuj 4 aen siujcuj camgya hagsib nem yenzdauj.