6 nyied 26、29 nem 30 hauh, aen hozdung“Dwzbauj Yen 2015 nienz siujhagseng doxdax aeu Vahcuengh byauhcunj yienj cezmuz”faenbied youq Lungzsangh Cin Cungsim Yau、Nazgyaz Yangh Cungsim Yau、 Duh’anh Yangh Cungsim Yau gawjhengz, baez hozdung neix youz Dwzbauj Yen Sawcuengh Yozyau cawjbanh, Lungzsangh Cin Cungsim Yau、Nazgyaz Yangh Cungsim Yau、Duh- anh Yangh Cungsim Yau ciuqbanh; daengx yienh Cuengh Gun song saw vah saedniemh yozyau gungh miz 299 boux hagseng doxdax ciengqgo、yienjheiq、 yienj siujbinj daengj.

Youq doxdax seizde, doengh- boux hagseng camgya doxdax de daenj ndangdaenj Bouxcuengh moq- semq youh lai yiengh, gig miz cingsaenz, sing ngamj cingz noengz dwk yienj aen damq aen cezmuz, daegsaek minzcuz noengznwd, yienj ndaej ndeiyawj, neix ndaej bouxyawj nem bingzveij haenhndei, gyoengqde cungj bekfwngz boebboeb.

Ginggvaq sam ngoenz youh haenq youh dawzbanj dwk doxdax, gungh bingz ok itdaengjciengj 6 boux, ngeihdaengjciengj 9 boux, samdaengjciengj 16 boux.

Baez doxdax neix dwg aen yienh neix baijok nem doxgyau gij cingzcik nem gingniemh Cuengh Gun song saw vah sonhag, beizyangj hagseng maij hag Sawcuengh, gig ndei dwk coi hong Cuengh Gun song saw vah sonhag gyauyuz ndaej hwngfat, doiq ndaw yienh henhoh nem daihlig fatyiengz vwnzva minzcuz maenhndei gig mizyungh. Ndaw doz dwg Duh- anh Yangh Cungsim Yau siuj- hagseng yienj Heiqcuengh.

(Nungz Yimeiz/农玉梅)