Siengj guek giengzdaih nungzminz fouq

Youq ndaw minzcuj nem doxdaengh

Vwnzmingz doxhuz caemh youqgaenj

Gwnzlaj haenqrengz bae cauxguh

.

Daengx aen sevei siengj hwngvuengh

Bouxboux maqmuengh engq swyouz

Bingzdaengj goengcingq gizgiz youq

Ndi you fazci mbouj henhoh

.

Vunzraeuz bouxboux haengj gyaez guek

Gingqnieb buekmingh hwng lajmbanj

Lauxsaed doxndei vunzvunz angq

Aen’aek gvangqlangh ranz vuenyungz

.

Aen moengh Cungguek ndaej saedyienh

Cienz baengh gwnzlaj daeuj haenqrengz

Doxgiet huzndei doengzcaez cengj

Seiqlengq ronghrub saeh ndei hengz

.

Guek ak minz giengz ranz cij fouq

Dan gangj bakbyouq nanz baenzgoeng

Ndawranz mboengmban diendeih hoengz

Baengh gyoengq beixnuengx bae saedyienh

.

Mwngz byaij gou riengz bongh baenaj

Gwnzlaj huzndei cienz minz angq

Baujhoh guekcoj hen gozfangz

Doengzcaez maengxangq bongh siujgangh