1、Haeujsim gwnndoet gvi- lwd, dinghseiz dinghliengh, gaej lanh gwn lanh ndoet, ngoenz sam donq yingzyangj aeu doxdaengh.

2、Gaej gwn laeujget、gahfeih gwd、caz gwd、suenq ndip. Doengzseiz hix gaej gwn gij doxgaiq daiq geng、daiq unq、daiq manh、daiq gyoet、daiq co haenx. Gwn seiz aeu menh nyaij menh ndwnj.

3、Gijgwn aeu yingzyangj lai, lai gwn lai cungj veizswnghsu, noix gwn dangz caeuq danbwzciz, gaej gwn huqsoemj.

4、Gaej cit ien. Cit ien rox yingjyangj gij sigin coihdauq caeuq caiqseng lwed nemmuek aendungx, raemxmbei dauq lae haeuj dungx bae, dungx engqgya in youqgaenj.

5、Mwh dungxin seiz, caenh- liengh soeng saivaq, bingzseiz hix caenhliengh daenj buhvaq gvangq, mienxndaej aendungx deng at. Boux gyanghaemh miz veisonh lae doxdauq haenx, ceiq ndei ngeng baihgvaz dauq gwnz ninz, doengz- seiz demh gyaeuj hwnj sang di, couh ndaej mienx deng veisonh lae doxdauq. Boux ciengzseiz baenz dungxin yindung gonqlaeng gaej sikhaek gwn haeux, fuengz aen- dungx fudanh daiq naek yaeuhfat baenz dungxin.

Conhgyah genyi naeuz, vih fuengz baenz dungxin, daih’it, aeu haeujsim gwnndoet veiswngh, daegbied dwg seizcou, gaej gwn gijgwn mbouj seuqcingh haenx; daihngeih, bingzseiz gaej gwn gijgwn gig dungxsaej youqgaenj haenx, lai gwn gijgwn yungzheih siuvaq, caemhcaiq aeu cungfaen nyaij mienz; daihsam, gaiq ien gimq laeuj, daegbied dwg boux gaenq baenz dungxin haenx, itdingh aeu roengz gietsim gaiq ien gimq laeuj cij ndaej.