Dang byaekbohcai daeuhfouh. 100 gwz byaekbohcai, 2 gaiq daeuhfouh, coeng、hingndip ronq baenz sei、swzlahyouz、dang、gyu gak di he.

Swiq byaekbohcai seuq, cab daeuhfouh baenz gaiq, faenbied yungh raemxgoenj log 2 daengz 3 faen cung le vez hwnj ndik raemx hawq. Hai feiz coemh rek ndat, dwk di swzlahyouz he, dwk coeng caeuq hingsei roengz cauj hom le dwk daeuhfouh loq cauj yaep ndeu, gya buenq vanj raemx cawj goenj caiq dwk byaekbohcai roengz, dwk gyu diuzfeih swnh ndat gwn, ngoenz gwn 2 baez, aeu ciengzseiz gwn. Aen dan neix ndaej yw nyeznomj lwedhaw、ok hanhheu、linx hawq hoz sauj、haexgaz daengj bingh.