Vangz Hungz:

Mwngz ndei! Mbouj rox seizneix simcingz mwngz baenz- lawz yiengh? Dwg mbouj dwg lij simnyap? Siengsaenq mwngz doeg fung hoizsaenq gou, itdingh angqyangz hwnjdaeuj. Gou doeg sat fungsaenq mwngz, daegbied lijgaij gij simcingz mwngz. Gou hix nyangz gvaq cungj saehcingz neix.

Geiq ndaej gou doeg seiq nienzgaep seiz, banhcangj dou gvaq ngoenzseng, haujlai doengzhag cawx gij laex hawj banhcanj haenx gig bengz. Gou ne? Yunghsim vih banhcangj guh mbaw gajben cukhoh ngoenzseng ndeu, youq gwnz gajben veh aen dangauh hung ndeu, gwnz dangauh lij veh cib diuz labcuk, youq henz sij naeuz：“Ngoenzseng haisim!” Mwh gyoengq doengz- hag soengq laex, gou gaem mbaw gajben ngoenzseng, gamj- daengz gig mbouj miznaj, gyoengq doengzhag cungj geizgvaiq yawj gou, gwnz naj gou ndatfwdfwd. Dang gou dingqnyi bouxwnq gangj gou “ged” seiz, ndawsim geijlai nanzsouh ha. Gou gamjdaengz youq baihnaj daihgya gig saetnaj, baenzngoenz ngaem gyaeuj, sim cungj mbouj onj.

Gyanghaemh, gou sawqmwh ciep daengz dienhvah banhcangj. De angqvauvau dwk lwnh gou, de cingjleix gij laex gyoengq doengzhag soengq seiz, fatyienh mbaw gajben cukhoh ngoenzseng gou soengq haenx ceiq habhoz. De naeuz mbaw gajben cukhoh cang rim caencingz, beij gijmaz laex cungj dijbauj. Gou dingq gij vah neix le, sim soeng lai lo, gamjdoengh dwk raemxda aeng lo. Gou sawqmwh gamjdaengz baengzyoux aeu lijgaij caeuq bauyungz, aeu yungh caensim bae dajleix.

Vangz Hungz, doeg daengz neix, mwngz simcingz ndei di luba, gou siengsaenq, gyoengq doengzhag itdingh mbouj aenvih gij saeh iq haenx mbouj leixlangh mwngz .

Doeklaeng, hoh mwngz ngoenzngoenz sim’angq!

Baengzyouz mwngz:Vangz Meiz

2015 nienz 1 nyied 8 hauh

（指导老师：覃珍团）