Gaenh bi daeuj, Lozcwngz Mulaujcuz Swciyen doenggvaq guh roen lajmbanj daeuj gaijndei gihcuj sezsih lajmbanj. 2014 nienz, daengx yienh gonqlaeng guh baenz goengloh mbanj gaep 40 diuz, 47.68 goengleix, gaijgez 13210 vunz byaij roen hoj vwndiz. Daengz bi’gvaq, daengx yienh gungh miz 1399 aen mbanj doeng goengloh, ciemq gij cungjsoq mbanj 85%. 2014 nienz aen yienh neix lij ceng ndaej hanghmoeg roen doeng mbanj 12 aen, guh roen raez 72.4 goengleix, roengz cienz gensez 4912 fanh maenz, dajsuenq daengz 2015 nienzdaej cienzmienh guh sat. Daengzseiz, daengx yienh 125 aen cunh cungj doeng roensuijniz caez.

(Veiz Yuzdai/韦如代)