It geih gwn raemx daiq lai. Baez fatsa seiz, ceiq ndei dwg gwn raemx noix danh gwn lai baez, moix baez gwn raemx gaej mauhgvaq 300 hauzswngh. Aenvih gwn raemx lai mboujdanh rox heuz saw raemxdungx, yingjyangj goeng- naengz siuvaq, caemhcaiq rox yinxhwnj fanjse ok hanh lai, raemx caeuq gyu ndaw ndang daihliengh baiz okdaeuj, youqgaenj seiz rox yinxhwnj baenz caeugaen.

Ngeih geih gwn mak gva gyoet daiq lai. Boux baenz fatsa dingzlai dwg dungx hawnyieg, danghnaeuz daih- liengh gwn mak gva gyoet, couh rox sonjhaih gij heiqyiengz aendungx, hawj aendungx mboujmiz rengz bae guh yindung, caep mbaeq yaemz youq ndaw ndang, couh yungzheih baenz dungxsiq caeuq dungx in.

Sam geih gwn gijgwn youz nywnx daiq lai. Fatsa le wng noix gwn gijgwn youz nywnx, daihliengh gwn gijgwn youz nywnx rox gya’naek fudanh dungxsaej, daihliengh lwed dingz youq ndaw congh dungxsaej, gij lwed soengq bae hawj aen’uk couh noix, vunz couh gamjdaengz gig naetnaiq, caemh- caiq rox baenz dungxraeng dem.

Seiq geih dandog gwn bouj. Fatsa le, gij ndat ndaw ndang caengz siu bae, ciengeiz mbouj ndaej dandog gwn bouj. Danghnaeuz gwn bouj caeux lai, gij ndat nanz ndaej siu bae, caemhcaiq gij ndat gaenq siu bae haenx youh dauqcungz fat okdaeuj.