1、Siginsing gijgwn dengdoeg cujyau biujyienh dwg rubmyaiz rueg ok、dungxsiq dungx in daengj yienghsiengq. Yawhfuengz de cuj- yau dwg gyagiengz gwnndoet veiswngh guenjleix, fuengz gijgwn uqlah.

2、Lijyouzsing dungxsiq ciengz raen dwg haex saw lumj raemx nei, caemhcaiq buenx miz dungx in、aek ciengq、rueg ok daengj. Ndigah, mwh okbae lijyouz seiz wng gaem ndei “bingh daj bak haeuj” aen gvan neix.

3、Dacangzganjgin cangzyenz cujyau dwg dungxsiq, ngoenz siq 3 daengz 5 baez, saek haex lumj gyaeqhenj nei caemhcaiq ok lai. Yawhfuengz cungj bingh neix dwg guh ndei gwnndoet、gwn raemx veiswngh caeuq guenjleix ndei haex.

4、Siginsing baenzsiq sien dwg lau gyoet fatndat doeklaeng dungx in oksiq, lwgnding 2 bi dauqlaj yungzheih ndaej bingh. Ndigah, guh ndei gwnndoet、gwn raemx veiswngh caeuq guenjleix ndei haex, mied nengz, dwg gij goekgaen yawh- fuengz cungj bingh neix.

5、Binghsienghsing cangzyenz couhdwg Yeh’wj sigin cangzyenz, dwg riengzdwk ndaw ranz cawx miz binghsiengh le fat cungj bingh neix haemq lai. Cungj bingh neix youq laeng ndaw cijvaiz、noh、bya、daeuzseng caeuq byaek, youq lingzya 4 doh sengmaj sanjlah. Gijgwn ndaw binghsiengh uqlah cungj bingh neix le couh gojnwngz hawj vunz baenz cangzyenz. Ndigah, ndaw binghsiengh ceiq ndei ndip cug baenhai, mwh yaek gwn seiz aeu dauqcungz cauj cug cauj daeuq cij ndaej gwn.